LUMIPAD kami ni Alistaire kinabukasan patungo sa Maynila. Mula sa airport, sumakay kami ng taxi at nakipagkita kay Jowell. Muling nagkaharap ang dalawa sa mga mahahalagang tao sa buhay ko. Nakita na noon ni Jowell si Ali sa airport, pero hindi pa rin nito naitago ang pagkamangha nang makitang buhay na buhay ang brother-in-law.
"I never thought this would happen. Welcome back, brother!"
"Thank you, Jowell."
Sinamahan naman kami ni Jowell kay Nate. Gamit namin ang kotse ko na naiwan kay Jowell nang magtungo kaming Bukidnon. Sa wakas ay nakilala at nakaharap namin ang taong tumutulong sa amin ni Ali.
“Hindi ako naniniwala,” mariing sabi ni Alistaire. “Hangga’t hindi ko nakikita ang bangkay ng taong 'yon, hindi ako maniniwala na patay na siya," dagdag pa niya.
"Sang-ayon ako sa miste
