ILANG minuto na lang bago mag-alas nueve ng gabi. Dapat ay natutulog na ako dahil bukod sa pagod sa biyahe, sa kalagayan ko ay hindi ako dapat nagpupuyat. Kaya lang ay hindi ko naman magawang matulog kaya nagpasya akong bumaba sa kusina para mag-tsaa. Pinili ko ang pinaka-safe na inumin para sa buntis at ‘yon nga ay ang turmeric tea. Maigi rin kasi ang turmeric sa taong na-i-insomnia.
Iginala ko ang aking tingin sa kusina habang humihigop ng tsaa. Ilang taon na rin ang nakalipas mula nang mamasukan ako roon na kasambahay. Naging parte ang kusina ng mansion sa kwento ng pagmamahalan namin ni Ali. Ng aking Sir Ali.
Nahahati ang damdamin ko sa saya at lungkot-saya dahil para akong bumalik sa nakaraan at lungkot dahil hindi ko kapiling ngayon si Alistaire.
“Hija, gising ka pa pala?”
Hindi
