“SINADYA ang lahat ng mga nangyari! Malakas ang hinala ko na ginawa ni Chelsey ito para sirain ang pamilya ko!"
Hindi ko kayang solohin ang lahat ng nalaman ko. Gumagapang ang panginginig sa mga braso ko hanggang sa aking mga kamay. Pakiramdam ko ay sasabog ang dibdib ko sa halo-halong emosyon kaya pagkaalis na pagkaalis kanina ni Noelle ay agad akong lumabas sa pinagtataguan at humanap ng lugar sa ospital kung saan ko pwedeng tawagan si Jowell.
"Malaki ang kasalanan ni Chelsey sa amin! She’s even trying to be friendly again with me! Mabuti na lang na hindi ko na kayang magtiwala ulit sa kaniya dahil pinapaikot lang pala niya ako! Pinaglalaruan niya kami! Niloloko nila ng Noelle na 'yon si Alistaire!" I sound desperate. Ang higpit ng hawak ko sa cellphone. Gustong-gusto ko nang makaus
