“ALI?” Paakyat na ako ng hagdan nang makita ang pagpasok ni Ali. Imbes na dumirecho, bumalik ako sa living room at sinalubong siya.
"Hi, Sweetheart!" Kinabig niya ako at hinalikan. Hindi naman ako nakatugon sa gulat. Pagkatapos, niyuko niya ang tiyan ko upang himas-himasin. "Kumusta ang mga anak ko? Hindi n'yo ba pinahihirapan ang nanay?" Masuyo akong pinagmasdan ni Ali.
“You’re early. Umuwi ka na ba talaga o may sadya ka lang?”
“I'm home, Sweetheart. Why are you so surprised?”
Natigilan ako saglit. Napatingin ako sa itaas ng hagdan. Oras ng pamamahinga ni Don Benedicto at naroon din sa silid nila si Nanay. Si Alfonso naman ay nasa eskwelahan. Magandang pagkakataon siguro iyon para kausapin si Ali at sabihin ang gumugulo sa'kin nitong nakaraang mga araw.
Huminga ako nang malalim a
