AMBER’S POV
“Hindi ko alam.” Ito lang tanging naisagot ko sa lahat ng mga katanungan sa akin ng nag-iimbestigang pulis.
“Miss, paanong hindi mo alam? Nahulihan ka ng droga sa iyong bag.”
“Hindi ko alam kung saan galing ang drugs!” Tumaas na ang boses ko. Kanina pa hindi maampat ang mga luha ko. Labis ang takot ko sa nangyayari.
Hindi ko kayang makulong sa kasalanan na hindi ko naman ginawa. Biktima lang ako ng kasamaan ni Noah at sinabi ko na ito sa mga pulis pero binulyawan lang ako. Hindi raw ako dapat nandadamay ng tao. Impit na lang ako umiyak. Puro ‘hindi ko alam’ na naging sagot ko sa mga kasunod niyang tanong.
Sumunod ang mga media hanggang sa presinto pero hindi sila pinahintulutan na makapasok. Kanya-kanya sila ng paraan upang mula sa labas ay makunan ako ng mga larawan at
