AMBER’S POV
Ilang araw ko nang hindi nakikita si Wyatt dahil lumipad siya papuntang Amerika upang puntahan ang ama niyang nasa kritikal na kondisyon ngayon. Napag-alaman ko mula sa mga kaibigan niya na mababa ang tsansang mabuhay ng matandang Rios. Tinapat na sila ng doctor na manalangin ng mabuti upang magkaroon ng milagro.
Labis ang pag-aalala ko kay Wyatt. Gusto ko siyang damayan at sundan sa Amerika, pero paano ko magagawa ito kung hindi ko alam saan pupuntahan siya doon. Sinubukan kong hingin ang address sa mga kaibigan niya pero hindi rin daw nila alam. Batid kong imposible ang bagay na ito pero naiintindihan ko sila kung inutusan sila ni Wyatt na huwag sabihin sa akin.
Hindi ko masisisi si Wyatt kung galit siya sa akin. Pero alam ko na bibigyan niya ako ng pagkakataon na makapagp
