AMBER’S POV
HINDI na humupa ang malakas na ulan kaya dito ko na lang pinatulog si Wyatt. Sa living room ko siya pinahiga dahil hindi pa nalilinisan ang dalawang guest room. Binigyan ko lang siya ng unan at kumot.
Wala akong pinapupunta na bisita dito sa bahay maliban kina Noah at Kitty. Kung ang ibang public figure ay pumupunta pa sa ibang lugar o bansa para magkaroon ng privacy, ako naman ay dito sa bahay nahahanap ng katahimikan. Wala kasi nakakaalam na dito na ako nakitira. Ni hindi ko binanggit sa former manager ko.
Buong akala ng lahat ay sa Bliss Condo ako nakatira. Nang pumutok nga ang balita tungkol sa eskandalo ko kay Dave ay nag-umpukan media doon. Naghihintay sa parking lot para ma-interview ako. Nagambala ang katahimikan ng condominium building. Kinailangan pang maglabas ng
