NOAH’S POV
“DAMN! Ano gagawin natin Noah?!”
Hindi ko rin alam kung ano ang sagot sa tanong na ito ni Layla. Mabubulok kami sa kulungan oras umamin kami at isuko an gaming sarili. Binigyan kami ng misteryosang babae ng tatlong araw na palugit sa pinag-uutos niya. Sinubukan namin ngayong araw na tumakas at pumunta sa ibang bansa ngunit sa daan pa lang papuntang airport ay may nag-ambush na sa amin.
Pinaulanan ng bala ang aming sasakyan. Sinigurado na hindi kami matatamaan sa loob. Tila ba babala iyon na hindi na kami makaliligtas pa kung tatangkain pa namin tumakas. Walang duda na may mga taong nagmamatyag sa lahat ng kilos namin. Ang nakakabaliw wala naman kami nakikitang kahina-hinala sa paligid pero tila ba bubulagta na lang kami sa sandaling gumawa na naman kami na hindi kanais-nais.
