AMBER’S POV
HINDI ko alam kung paano nakuha ni Annika ang contact number ko pero tumawag siya sa akin para imbitahan ako sa party niya. Hangga't maari ay ayaw ko sana na dumalo sa takot na baka muling magkrus ang landas namin ni Wyatt. Pero sa paraan kung paano makiusap sa akin si Annika ay tila ba ako ang importante niyang bisita.
Dala ko ang regalo ko para sa kanya. Isang simpleng customize bracelet na pinagawa ko para sa mga taong hindi ako iniwan simula nang mag-umpisa ako bilang modelo. Ibig sabihin walo lang ang mayroon nito sa buong mundo. Mamahalin din naman siya. Pwedeng masanla.
Nang mag-viral ang necklace na ito dahil sa 'thank you' post ni Kitty sa social media. Maraming gustong um-order na hindi alintana kung magkano ang presyo. Ngunit hindi ko sinamantala ang pagkakataon
