AMBER’S POV
“SAAN ka galing?” tanong ni Noah. Nagbabaga ang mga mata sa galit. Nakasandal siya sa hood ng kanyang kotse. Sa tingin ko ay kanina pa siya naghihintay sa labas ng bahay ko.
Binuksan ko ang gate at dumeretso sa loob ng bahay. Hindi ko nagawang ipasok sa garage ang kotse ko. Pagkaupo ko sa sofa ay kaagad kong tinakpan ang mukha ko gamit ang dalawang kamay. Hindi ko kayang tingnan sa mga mata si Noah. Nagi-guilty ako.
Gusto pa sana akong ihatid ni Wyatt ngunit hindi na ako pumayag. Alam ko kasi na madadatnan ko si Noah. Hindi ko kayang ipaliwanag sa kanya kung bakit kami magkasama ni Wyatt.
Wala sa loob na napahawak ako sa suot kong damit na binili sa akin ni Wyatt. Pakiramdam ko ay napakasama kong tao na sa kabila ng pagtataksil ko sa aking nobyo ay tila nakalutang pa rin ak
