AMBER’S POV
HAWAK ko ang kamay ni Noah. Nakahiga siya sa hospital bed. Kailangan niya i-admit para maobserbahan pa ng doktor. Pero panatag na ang loob ko ngayon dahil ayon sa kanyang CT scan wala naman siyang malubhang tama sa ulo. Wala rin nakitang nabaling buto sa xrays.
Namumugto ang mga mata ko. Sinisisi ko ang aking sarili kung bakit nangyari ang lahat ng ito. Naging selfish ako. Inisip ko lang ang sarili kong kaligayahan. Hindi ko isinaalang-alang kung ano ang mararamdaman ni Noah.
He cherished me with all of his heart. Isang tawag ko lang ay nagkukumahog kaagad siyang pumunta. Naalala ko noong nagkaproblema ako sa Amerika—muntik na akong makasuhan nang mag-leak ang picture ko na nakasuot ng damit na rival ng kompanya kung saan ako ang kanilang brand ambassador. Mahigpit sila sa g
