NOAH'S POV
“SEE? Hindi nila tayo nakilala.” malawak ang ngisi na sabi ni Layla.
Napamaang ako kung paano niya nagawang maging kalmado sa kabila ng tensyunadong sitwasyon. Samantalang, daig ko pa ang sinabugan ng granda nang makita sina Amber at Wyatt. Saka lang ako nakahinga ng maluwag nang makaalis sila sa harapin namin.
Shit! Kay lawak ng mundo, kayang-kaya nilang magpunta sa ibang bansa pero talagang binibiro kami ng tadhana na dito pa talaga nila napiling magbakasyon kung saan kami pansamantalang nagtatago ni Layla
Noong nakaraang buwan pa kami nakabalik ni Layla sa Pilipinas. Taglay na namin ang bagong mukha at boses. Kinuha namin ang magaling na Korean doctor na nag-plastic surgery sa stepsister ni Layla. Sumailalim din kami sa voice deepening surgery upang maiba ng bahagya ang
