KINABUKASAN, nagising ako bandang alas—siyete ng umaga. Bumaba ako para kumain na, kumukulo ang aking tiyan.
“Ma! Si ate Elle gising po!” malakas na sabi ni Karleen nang makita niya ako sa hagdan na pababa at siya naman ay paakyat. “Ate Elle, ayos ka lang po ba? Hindi ka raw pʼwedeng pumasok sabi nina Mama at Papa,” dagdag niyang sabi sa akin.
“H—hindi naman ako papasok... Nagugutom na ako kaya bumaba ako, Karleen.” Nanghihina pa rin talaga ako. Dama ko ang paghingal kapag nagsasalita ako, hindi lang iyon, bumaba lamang ako pero hingal agad.
“Gusto mo po bang alalayan kita, ate?”
Tinignan ko siya at umiling. “Hindi na. Hindi naman ako mahina,” pagsisinungaling sabi ko sa kaya.
Nakita ko pa ang huling tingin niya sa akin at siyang pagtango niya. “Okay po, ate Elle. Akyat po muna ako,
