KINABUKASAN, kami na lamang ang natirang tatlo rito sa bahay. Nasa boutique shop na muli sina Mama at Papa para magtinda at mag-ayos ngayon ng mga bagong dating na damit, tutulong sana ako pero huwag na raw. Asikasuhin ko na lamang sila Jeremiah and Karleen.
Wala na rin naman akong gagawin dahil may pagkain ng niluto si Mama para sa lunch namin at hanggang dinner.
Lumabas na ako sa banyo nang matapos akong maligo at nakabihis na rin ako ng pambahay.
“Ate Elle, tumawag si Mama galing sa boutique po!”
Nangunot ang noo ko nang sabihin ni Karleen iyon. “Tumawag si Mama? Anong oras siya tumawag? Kailangan daw ba ako sa boutique?” sunod—sunod na tanong ko kay Karleen.
“Kani—kanina lang po. Pagkapasok niyo po sa banyo, biglang nag—ring ang telephone natin.”
“Bakit siya tumawag? Anong sina
