MARAMI pa kaming napagkwentuhan ni Kuya Shane tungkol sa mga buhay ng buong pamilya nila. Napakadaldal pala niyang lalaki, at napatunayan kong Marites nga talaga siya. Pati kasi mga magulang niya ay ikinuwento niya rin sa akin. Pati na rin ang naging buhay ng mga tito niya noon at ng mga pinsan niya ngayon.
Nalaman ko kung gaano karaming magkakapatid ang mga magulang niya. Pati sila Tito David at Tita Wilma ay ikinuwento niya rin sa akin. Naubos yata ang oras naming dalawa sa pagkukwentuhan lang. Kaya ngayon ay wala nang sikreto pang maitatago sa akin silang lahat.
Nakabalik na sila yaya Emie at yaya Ronela sa silid ni Kuya Desmond. Nakalipat na rin kami sa balcony nito na makikita sa gilid na bahagi ng mansion, patungo sa likuran kung saan hindi kami makikita ng iba, dahil ayaw niya ra
