Lina
Dahil halos paliparin na ni Ninong ang kotse namin ay kaagad din kaming nakarating sa bahay namin sa Tagaytay. Hindi na rin naman pala ito ganun ka-layo.
Naabutan pa namin ang mga trabahador namin na abala pa rin sa pagtatrabaho sa bakuran namin. Sumalubong din sa amin si Kuya Miko.
"Boss."
"Ikaw na lang ang magpasok ng kotse." Iniabot ni Ninong sa kanya ang susi. Este, mahal na pala ngayon. 'Yon na dapat ang tawag ko sa kanya simula ngayon, at kailangan ko nang masanay.
"Kuya Miko, may mga halaman ako sa trunk. Pakilabas na lang din, ha. Salamat!" ani ko sa kanya.
"Sige po, Miss Lina. Ako na po ang bahala."
"How are they doing?" tanong ni Mahal sa kanya.
"Mauuna na akong pumasok sa loob," paalam ko muna sa kanila. Hindi ko na rin hinintay pa ang sagot ni Mahal. Kaagad na ako
