"Wala ka bang tiwala sa akin?" ani Voughn. "Hindi mo na kailangang sumama. Kayang-kaya ko ang trabahong 'yon."
"Voughn, wag ka ngang baliw! Masyadong mapanganib! Hindi lang isa o dalawang tao ang kahaharapin mo, isa 'yong organisasyon!" pagtuligsa ni Alex, ang partner ni Voughn at siyang pinakamatalik na kaibigan sa base.
Tumawa si Voughn na para bang hindi siya nangangamba, "Ano ka ba? Sa tagal nating magkasama, ni minsan hindi pa ko namatay sa misyon."
"Pero maraming beses na muntik na! Kung wala ako doon... baka kaluluwa mo na lang ang kausap ko ngayon," inis na sabi ni Alex na lalong kinatawa ni Voughn. "Sira-ulo! Huwag ka ngang tumawa!!!"
"Pasensya! Pasensya! Oo na, tama ka na," pagpigil ni Voughn sa pagtawa. "Pero... hindi pa din ako papayag. Hayaan mo akong ako na lamang ang tum
