"Hm? Anong ginagawa niya? Bakit naglalakad siya na parang magnanakaw papunta sa kwarto nila mama?" Naglakad siya papunta sa kapatid, "Hoy! Anong kalokohan ang ginagawa mo?"
"Whaaa!!! Ate!?" nagulat ang nakakabatang kapatid at napabulalas ito. Bigla niyang naihagis ang hawak na maliit na kahon, "H-Hindi! Ang singsing ni mama!"
"Ano!?" bigla rin siyang nataranta at nagpalingun-lingon sa bawat sulok ng sahig para hanapin ang gumulong na singsing. "Saan napunta 'yon!? Bakit kasi na sayo!?"
"B-Bakit mo kasi ako ginulat!? Isasauli ko na nga eh! Whaaa!!!" mangiyak-ngiyak ang bunso sa kaba at takot na baka hindi nila iyon makita.
"Pauwi pa naman si papa ngayon! Naku talaga kang bata ka! Bakit mo ba kasi kinuha 'yon!?" iritang tanong ng ate.
Nanalubong ang kilay ng batang babae at bagama't nan
