NAPANGISI NA lamang si Angelic ng makitang halos hindi magkandatuto ang lalaki sa pagsunod sa kaniya. At lalong napangiti ng tila batang nasukol sa narinig buhat sa mama nito. Kahit papaano ay hindi na tila nakataas ang kilay ng mama ng lalaki.
"Iho! Magbihis ka na para maipag-drive mo sila. Hindi pa makakapagmaneho itong si Romeng dahil hindi pa ayos ang bali nito sa paa." Muling wika ng mama nito.
Mabilis pa sa alas kuwatro ang ginawang pag-akyat nito sa hagdanan nila at makapanhik sa kuwarto nito. Mabilis na tumapat sa shower at mabilis din itong nagbanlaw. Halos madapa pa ito habang nagbibihis sa takot na hindi siya hintayin ang mga ito.
Nakaupo silang lahat sa sala. Nagkukuwento ang lola niya kung papaano siya napunta sila napadpad sa poder ng mga Montelibano. Nang walang kinse mi
