NAPANGITI na lamang si Angelic nang makita ang mukha ni Cheska sa sinabi ni Onofre. Akala siguro nito ay maghahanikluhod si Onofre sa kaniya kahit ano ang gawin nito.
"Manang ipaghanda mo kami ng makakain.." maya-maya ay muling wika ni Onofre saka siya giniya papasok sa bahay ng mga ito.
Walang nagawa ang mag-asawang katiwala kundi tumalima at ang mama at dating kasintahan naman nito ay sumunod rin. "Iho, alam mo ba itong ginagawa mo? At saan mo naman napulot ang babaeng iyan?" Habol ng mama ni Onofre sa kanila.
Nasa maluwang na sala na sila. Doon ay muling nilingon ni Onofre ang mama nito. "Ma, mahal ko si Angel at alam kong hinding-hndi niya ako iiwan dahil lamang sa kung anuman." Makahulugang saad pa nito.
Sa pagkakataong iyon ay kabaliktaran ang nararamdaman ni Angelic. Kung kanina
