Mula sa kanyang inuupuan ay itinukod ni Arnold ang mga palad nito na parang nag-iinat saka dahan-dahang tumayo at tumalikod kay Karl na kunwari ay may hinahanap siya, pero bigla din niyang naisip na mahahalata ni Karl ang mga kilos niya kaya inagapan niya ito ng sagot habang nakatalikod siya.
"Alam mo Karl---" humarap muna si Arnold sa binata at nagpawala ng isang malalim na buntong-hininga bago tinuloy ang sasabihin.
"Dapat ang Mommy mo tinanong mo tungkol diyan."
Pinutol agad ni Karl ang sasabihin ni Arnold.
"Umiiyak si Mommy. Umalis ako du'n dahil napahiya siya sa amin ni Tita Doreen habang pinapagalitan ni Lolo at buti po nagkita tayo. Kaya n'yo naman sigurong sagutin 'yung tanong ko Tito Arnold." singit agad ni Karl.
"Oo Karl --- naging kami ng Mommy mo." sagot ni Arnold kay Kar
