Sa isang apartment namin hinatid si Francine at nagtulog-tulugan na lang ako nang ihatid papasok ni Tristan si Francine doon. Nang makita kong pabalik na si Tristan ay tsaka lang ako nagpanggap na kagigising lang.
"Lumipat kana sa tabi ko," sabi niya nang makapasok sa sasakyan.
Napairap ako at napabuntonghininga bago lumabas para makalipat sa tabi niya. Twenty minutes yata ang binyahe namin kanina para lang maihatid si Francine. Malapit 'yon sa campus namin pero malayo sa bar kung nasaan kami kanina.
Hanggang ngayon din ay hindi ko maalis sa isipan ko si Francine. Pakiramdam ko ay may napapansin na siya sa amin at sa mga galaw ni Tristan. Hindi ko nga rin talaga maintindihan 'tong si Tristan dahil paiba-iba ang mood niya araw-araw!
"Next time kapag kasama natin si Francine huwag kang s
