Nakisali ako kila Tristan sa pag-ani sa maisan nila. Nang una ay ayaw niya dahil madudumihan lang daw ako at maiinitan pero nagpumilit ako kahit hindi ko alam ang gagawin ko. Mabuti na lang ay tinuruan niya ako at paminsan-minsan ay tinutulungan ako ni Ella.
"Ang ganda-ganda ng kamay mo. Sigurado akong pag-uwi mo sa Maynila ay magpapalinis ka ng kuko!" sabi niya at halata ko naman sa boses niya na hindi naman talaga siya naiinis sa akin.
Napangiti ako at umiling sa kaniya. Nasa malayo sila Tristan para mapabilis ang gawain. Hindi ko nga lang alam kung nakakatulong ba ako dahil sobramg bagal kong gumalaw.
"Hindi ako magpapalinis," sagot ko sa kaniya at nagkibit ng ballikat.
Hindi naman ako madalas magpa-pedecure at hindi naman madudumihan ang kuku ko nang dahil lang dito. Huhugasan ko l
