Parang isang araw lang ang lumipas magmula nang mag-birtday si Daddy. Ito ang araw na hindi ko gusto dahil tuluyan na nga siyang maitatali sa babae na 'yon. Kahit mahirap at masakit sa loob ko na bumangon sa araw na 'yon mula sa higaan ay pinilit ko na lang ang sarili ko.
"Are you ready?" tanong sa akin ni Riva nang makita ang pagbangon ko.
Napabuntonghininga naman ako at nagkibit ng balikat dahil hindi ko maipaliwanag ang nararamdaman ko. Agad namang lumapit sa akin ni Riva para matabihan ako sa dulo ng kama ko pagkatapos ay yumakap sa akin.
"It will be okay," sabi niya at tinapik-tapik ang balikat ko.
Sa hapon pa ang kasal ni Daddy pero maagang pumunta ang make up artist na binayaran ni Daddy. Katatapos lang ng lunch namin nang dumating ito kaya kinailangan ko munang maligo at naghin
