"Narinig niyo po ba 'yon, Ninong? Boses po 'yon ni Fionah!" nanginginig na tanong ko kay Ninong Travis habang naglalakad kami sa masukal na kagubatan. Palinga-linga ako sa daan habang hinahanap ko kung saan nanggaling ang tinig ni Fionah na aking narinig. Hindi ako maaaring magkamali sa aking narinig dahil alam kong hindi lang ako dinadaya ng aking imahinasyon. Narinig ko talaga na isinigaw ni Fionah ang aking pangalan.
May sampung tauhan kami na kasama. Ang iba ay nakakalat na sa iba't ibang parte ng labas ng mansion. Nag-aabang sa susunod na signal ni Ninong Travis para maisagawa ang balak namin.
Ngayong gabi ang magandang timing dahil nagseselebra ng kaarawan ang gago kong pinsan. Naisip ni Ninong Travis na ito ang magandang oportunidad para itakas ang aking pinakamamahal na babae dah
