Hindi dumating ang Mommy at Daddy ni Xenon sa birthday niya. Sinumpong daw kasi ng highblood ang Daddy niya kaya hindi nakabiyahe papunta rito sa Bicol ang mag-asawa.
Mukhang hindi naman apektado si Xenon dahil tuloy lang siya sa pakikipagkwentuhan sa mga tauhan niya at syempre ang walang sawang pagtungga niya ng alak sa bote.
Nakaka-tatlong bote na siya ng alak ngunit mukhang hindi yata tinatamaan ang lalaking 'to. Naiinip na akong umalis sa tabi niya lalo na at lumalalim na ang gabi.
Paano kaya ako makakaalis dito sa lugar na 'to kung hindi ko alam kung may sasakyan ba na pwedeng sakyan palabas sa lugar na 'to. O baka maglalakad lang talaga ako hanggang makarating ako ng bayan at may posibilidad pa na mahuli pa nila ako sa huli.
Isang liblib na lugar ito at nag-aalala ako na baka gub
