Nagmamatiyag lang kami sa malayo ni Ninong Travis habang nakatingin kay Xenon na malawak ang ngiti habang nakikipag-usap sa mga ka-business deal nito sa loob ng isang restaurant.
Malinaw namin na nakikita kung ano ang ginagawa niya sa loob ng restaurant dahil clear ang salamin nito at isa pa maliwanag ang ilaw sa loob.
Ngani-ngani na gusto ko siyang labasin at kumprontahin kung saan niya dinala ang nobya ko. Subalit patuloy akong nagtitimpi dahil ito ang bilin ni Ninong Travis sa akin. Walang maidudulot na kabutihan ang pagiging padalos-dalos sa mga hakbang. Baka mas lalong hindi namin makita si Fionah at mas lalong itago siya ni Xenon kapag nagkataon.
"Ninong, sa tingin niyo nasa malapit lang kaya rito si Fionah?" Hindi ko natiis na magtanong kay Ninong Travis. Naiinip na ako sa ginaga
