Sakay ng kaniyang sasakyan ay nilibot ni Caleb ang buong lugar na malapit sa kaniyang kompanya para hanapin si Jada. Mabagal lang ang kaniyang pagpapatakbo. Binusinahan pa nga siya ng truck na nasa kaniyang likuran at pagkatapos ay nag-overtake sa kaniya. Hinayaan lang niya iyon dahil talaga namang sinasadya niyang magbagal para makita ang bawat daraanan niya.
Nagulat siya at agad napa-preno nang may marinig na sagisit ng gulong, may malakas na tunog ng kung ano na para bang may sumalpok sa kung saan. Nakita niya ang truck na nag-overtake sa kaniya kanina. Huminto ito ngunit agad ding umandara, mabilis ang pagpapatakbo nito na tila ba nagmamadali at may tinatakasan.
Na-curious siya kung ano ba ang nangyari at kung ano ang malakas na tunog na iyon kanina. May hinala siyang may nabangga an
