"Ano 'to?" tanong ni Jada kay Jacob. Inagaw niya ang cellphone nito dahil may nakita siyang hindi maganda sa kaniyang paningin.
Nainis si Jacob at pilit na kinuha sa kaniya ang cellphone at nagtagumpay naman ito.
"It's none of your f**k*ng business!" galit at pasigaw na sabi nito. Mabuti na lang at nasa baba sila at hindi naririnig ng kanilang anak ang pagtatalo nila.
"It's my business! Ipaaalala ko lang sa'yo, asawa mo pa rin ako at nagsasama pa rin tayo. Respeto na lang kahit konti sa akin. Ang lakas naman ng loob mo na gawing wallpaper ng cellphone mo ang pagmumukha ng kabit mo! Nasaan na ba ang hiya mo, ha, Jacob? Hindi na kita kilala! Kung pumapayag ka na lang kasi na maghiwalay na tayo ng landas hindi ko na sana pakikialaman ang mga nakikita kong mali sa'yo," nanggagalaiting sabi
