NAPAHINTO si Leon sa paglalakad nang marinig niya ang ingay na nanggagaling sa loob ng bahay.
"Ipagpatuloy ninyo ang pagroronda." utos niya sa kamasang epsilon at siya naman ay humakbang pabalik.
Napahinto siya nang makita niyang tumakbo palabas si Tori habang bitbit ang bunsong anak na si Leonard.
Biglang tumambol ang puso niya sa kaba nang makitang namumutla na ang paslit habang lupaypay ang katawan nito.
Mabilis na sumakay sa sasakyan sila Tori, Yuna at ang ibang epsilon sa van at tsaka 'yun pinaharurot palayo. Hahabulin na niya sana ang mga ito nang harangan siya ni Karrim.
"Get out of my way." aniya rito. Nang akmang lalagpasan niya ito ay may dalawang delta ang pumulupot sa magkabila niyang braso.
"What the hell is the meaning of this, Brahman?!" pinipilit niyang kumawala
