LIWANAG ng araw ang nagpagising kay Torichiro ng umagang 'yun. Nagpupungas na iminulat niya ang kanyang mga mata.
"Good morning, my lord!" masiglang bati sa kanya ni Celeb na siyang naghawi ng makapal nankurtina. Ito ang dahilan kung bakit naputol ang tulog niya.
Muli niyang ipinikit ang mga mata at ipinatong ang braso sa ibabaw niyon. Wala siyang naging maayos na tulog nitong mga sumunod na araw. Nakakatulog lang siya kapag alam niyang magbubukang liwayway na. Ewan ba niya, simula lang na dumating ang Leon na 'yun dito ay hindi na niya magawang makampante.
I really don't trust him. Aniya sa sarili.
You don't trust him or you don't trust your heart? tanong ng inner wolf niya.
"Shut up, Lindsey!" saway niya rito.
"What did you say, my lord?"
Mabilis siyang umiling. "What time is it?"
