"Hindi ko tuloy alam kung ano ang una kong sasabihin ngayon, pinsan. Aminado akong nagalit ako sa iyo dahil naging babaero ka minsan. Ngunit alam ko namang cover fact mo lang din iyon. Kaya't wala pa rin akong masabi," saad ni Khalid sa pinsang nadatnan sa labas ng ICU.
Isa lang naman kasi ang maaring magbantay sa pasyente kapag nasa ICU ito. Kaya't maaring lumabas ito upang mapagbigyan ang asawa niya. Dumaan naman kasi siya sa coffee machine kaya't naunang lumakad ang mahal niyang asawa.
"Alam ko ang tinutukoy mo, pinsan. Dahil kahit ako ay iyan din ang nasa isipan ko. Si Adel ang binalikan ng karma sa nagawa kong kasalanan. Okay, fine. Ako na kung ako walang duda. Ngunit kailangan bang dumating sa puntong mabaliw na siya? Kung nasaksihan mo lang sana ang hitsura niya kaninang nagwawala
