"Po? Aba'y kailangan pa iyon?" namumulang tanong ni Adel nang iniabot sa kanilang mag-asawa ang sealed envelope na naglalaman umano ng fully package tickets round trip bound to Barcelona Spain.
"Ikaw naman anak. Aba'y natural lamang. Dahil ikinasal kayo kaya't dapat lang na may honeymoon. Who knows sa pagkakataong ito any may karagdagang babies sa pamilya natin," masayang saad ni Ginang Jannelle.
Tuloy ay napakamot sa ulo si Adel dahil sa tinuran ng biyanang babae. Samantalang ang asawa ay pangiti-ngiti lamang sa kaniyang tabi. Para sa kaniya kasi ay kahit hindi na sila lalabas ng bansa. Dahil nagagawa naman nila ang kanilang ritwals bilang mag-asawa kahit saan kapag sila ang sinasalakay ng init sa katawan. At isa pa ay nais sana niyang yayain ang asawa upang magtungo sa Laoag kung saan
