"Hi, ano'ng maipaglilingkod ko sa iyo?" tanong ni Adel nang napagbuksan ang isang babaeng hindi nalalayo ang edad sa asawa niya.
"Hello, Miss. Ah, gusto ko lang sanang itanong kung dito ba nakatira si Reynold Wayne Abrasado," anito.
"Dito siya nakatira, Miss. Dahil sa katunayan ay bahay namin ito. Sandali lang, Miss. Sino ka ba? Bakit mo hinahanap si Reynold Wayne?" tanong niya.
Dahil ang isipan niya ay nagsisimula nang maglikot.
"Ako si Elizabeth Jamaica Ponce, Miss. At sa tanong mo kung bakit ko hinahanap si Reynold Wayne ay dahil hindi na ito muling nagpakita sa akin. Simula noong may namagitan sa aming dalawa ay umiwas na siya. Ngunit hindi ako papayag na abandonahin niya kaming mag-ina. Dahil karapatan kong ipaglaban ang nasa aking sinapupunan. Kaya't parang awa mo na, Miss. Sabih
