"S-sino po sila, Tita, Tito?" utal na tanong ni Antonette.
Ngunit ang kabog sa dibdib niya ay talagang nakakabingi. Malaki ang resemblances ng mga ito sa bayaw niyang si Reynold Wayne ngunit hindi rin maipagkakamaling may hawig sila sa bunso niyang kapatid.
"Mga pamangkin mo, anak. Sila ang nakita mong bata sa larawan o ang nakuhang pictures ni Rennie Grace sa airport at nakuhang report ng PI," pahayag ng Ginoo.
"Po? Tama po ba ang narinig ko, Tita? Sila ang mga anak ni Adel? Pero bakit silang dalawa lang po ang nandito? Nasaan ang kapatid ko?" Nanlaki ang mga mata ni Antonette dahil sa narinig.
"Oo, anak. Alam kong mahirap paniwalaan ngunit iyan ang totoo. Sila ang kambal na nakita nina Rennie Grace at Fatima sa airport. At sa tanong mo naman kung nasaan si Adel ay ang Tito mo ang mak
