"Matagal na ba kayong magkakilala ng pinsan ko, manager?"
"Oo, Mr Abuhbakar. Bago siya nagtungong Thailand ay nakilala ko na siya. Nang panahong iyon ay nagsisimula pa lang ang bar ko. Ngunit nang napadpad ang grupo nila rito ay nagsimula na ang friendship namin. Hanggang sa dumating sa puntong babagsak na sana ang negosyo kong ito dahil sa kakulang ng puhunan. Subalit hindi nagdalawang-isip ang pinsan mong pinautang ako. Mabait siyang tao, Mr Abuhbakar. Kaya't labis-labis ang pagtataka o mas tamang sabihing pag-aalala ko sa kaniya. Bukod sa matagal siyang nawala at nang bumalik siya ay ibang-iba na."
"Iyon na nga, Manager. Kaming dalawa ang sabay lumaki, nag-aral, nagtapos hanggang sa nakapagtrabaho. Bago man ako nag-asawa ay magkasama pa rin hanggang sa bago nagtungong Thailand. Ngunit
