BRIX POV.
ANG bilin ni Dad, ay hintayin ko na lang na makauwi ng mansion ang kapatid kong pinaka bunso sa aming pito. Nakarating na pala ang balita sa kanya tungkol sa nangyaring barilan sa ball party nang nagdaang gabi. At tungkol kay Alias, ay nasa ospital pa rin ang aking bodyguard. Matapos maalis ang bala ay sinalinan raw ito ng dugo.
“Sunduin mo ako rito Pareng Bart, kailangan kong makausap si Alias.” Kahit ang totoo ay gusto kong makibalita tungkol kay Leah. Ano ba itong nangyayari sa akin at hindi ako mapalagay na walang nalalaman tungkol sa babaeng yon? Hindi ko man lang nakuha ang cellphone number niya bago pa nangyari ang kaguluhan. Hinayang na hinayang ako dahil hindi man lang kaming dalawa nagkasama ng matagal.
“Dude, on the way na ako nariyan ka pa ba?”
“Oo, naririto pa ak
