BRIX PO
HINDI ako mapalagay, ilang araw nang wala kaming balita sa dalawa naming anak. At itong aking asawa ay hindi ako masyadong kinakausap. Alam ko na nagtatampo siya sa akin. Kaya ang ginawa ko ay pinuntahan sila sa campus ang mga anak ko.
"Sir GB, kanina pa tayo dito pero hindi ko pa rin sila nakikita. Sa palagay ko ay hindi sila pumasok ngayon araw na ito.”
“Hindi maaaring mag-absent si Gabbi, tatlong araw na lang graduation na niya.”
“Pero lahat ng estudyante ay nakapasok na at wala silang dalawa.” Hindi ako mapalagay kaya nagtungo ako sa loob ng campus. Dumiretso ako sa opisina ng eskwelahan nila at nalaman ko na dalawang araw ng hindi sila pumapasok. Kaya kahit buong araw pa kaming maghintay ay wala talaga silang dalawa at hindi na ako mapalagay. Kaya tinawagan ko ang aking ka
