MILES POV.
SINO kaya ang kasamang dumating ni Gabbi. At paano niya nalaman na naririto kaming lahat? Siguro tumawag kay Blaze, kaya nagawang sumunod dito.
Nakita kong pupuntahan ni Brix, ang anak namin upang kausapin. Pero agad ko siyang pinigilan, dahil alam kong sa mga oras na iyon ay nag-uusap si Princess at Gabbi.
“Huwag mo munang isturbuhin ang dalawa. Alam mo naman na may tampuhan kaya siguradong nag-uusap pa sila.”
“Kung ganun, babalikan ko na lang si Lyza. Baka gising na iyon ay susunduin ko na rin.”
“Brix, hindi na mga batang paslit ang mga anak natin. Huwag mo silang tratuhin ng ganun, adult na sila kaya hayaan mo muna.”
“Susunduin ko lang naman dahil siguradong hinahanap na niya tayo.”
“Alam mo, kung gusto ni Lyza, na magtungo dito ay naririto na sana ‘yon. nakalimutan m
