I smell something fishy. Kaninang hapon, may tumawag sa cellphone ng asawa ko. Usually, sinasagot naman niya ang mga tawag kahit katabi pa niya ako pero kanina pumunta pa siya sa kuwarto. Ilang minuto siyang nagtagal doon at paglabas ay mabango at nakabihis na. Nagmamadali pa!
May palagay ako na si Danna ang kausap niya at magkikita sila. Kailangan kong kumpirmahin kaya nakasunod ako ngayon sa kotse niya.
Nang umalis siya ay kaagad ko siyang sinundan, mabuti na lang nakapara kaagad ako ng taxi. Hindi ko na alintana kung nakapambahay lang ako. Jersey shirt na malaki sa akin at short. Nakatsenilas lang din ako. Isabay pa ang sabog na buhok na hindi ko pa kulot na kulot na nga ay hindi ko man lang pinusod.
Sa layunin kasi na magaya ang hairstyle ni Danna ay nagpa-salon ako. Pinakita ko pa
