(AMELIE)
"Hindi ako naniniwala na tinanggap ni Samantha ang paghihiwalay niyo ng buong puso," sabi ko habang nakayakap ng mahigpit sa kanya. Mag-iisang oras na kaming nakahiga sa kama ko. Hindi na siya lumabas sa kuwarto ko. Mabuti na lang ay hindi pa pumupunta si Angel dito. Sa pagkaalam ko ay may hinahabol siyang thesis at bukas na ang deadline. Malamang subsob na siya ngayon sa computer.
"Believe it or not, naghiwalay kami ng matiwasay." sagot naman ni Lucas habang hinahaplos ako sa buhok.
"Ilang taon mo na ba siyang girlfriend?"
"Three months."
"Ano?!" Ibig sabihin noong bagong salta ako dito ay bago pa lang sila pero kung makaasta ang bruha akala mo pag-aari na niya si Lucas. Lakas maka-territorial girlfriend. "Lucas, iyong honest ha, nakailang girlfriend ka na? Sa'kin kasi first
