Seven Hunk Perez
NANGINGINIG ang aking katawan sa galit dahil sa mga bagay na pinagtapat sa akin ng doktora na ito. Kasalukuyan kaming nasa isang coffee shop at inanyayahan ko siya na makipag-usap sa akin. Sinabi ko na kung wala siyang sasabihin, ipatatanggal ko ang kanyang lisensya at maging ang ospital na pag-aari niya ay ipasasara ko. Mabuti na lang at wala siyang nagawa kung hindi ang sumama sa akin at ipagtapat ang totoo.
Hindi ko akalain na magagawa nila ang bagay na ito kay Kim. Napakasama! Hanggang ngayon ay hindi pa rin ako makapaniwala na ang tiwala ni Kim ay sinira nila, higit pa riyan, niloko nila si Kim.
"P-Pero, Sir. Maniwala ka, tutol talaga ako sa sinabing iyon ni Jenny. Oo, siguro nga ay mali ako dahil nasilaw ako sa offer niya, pero, Sir, maniwala ka, pinagsisisihan ko
