Seven Hunk Perez
NAGSIMULANG mabakas ang takot sa mukha ni Jenny, halatang hindi na niya alam kung ano ang gagawin. Sa pagkakataong ito, isiniwalat ko na sa lahat ang kanyang kasamaan.
"M-Mom, dad. Let me explain. H-Hindi ko kasi... A-Ano kasi..."
Hindi na malaman ni Jenny kung paano sosolusyonan ang kanyang kasalanan. Hindi na rin niya malaman kung paano ito lulusutan.
"Aminin mo na lang ang lahat, Jenny," galit kong wika.
Sa pagpitik ng aking daliri, dumating ang mga pulis na kanina ko lamang tinawag upang dakipin ang babaeng ito. Ngayon ko siya pagbabayarin sa kasalanang nagawa niya.
"Ms. Jenny, sumama na lang po kayo sa amin nang maayos," wika ng pulis at lumapit sa kanya.
"B-Bakit? Ano bang ginawa ko!?" pagwawala ni Jenny. Hinawakan nila si Jenny at inanyayahan sa presinto. Pum
