Seven Hunk Perez
SA PAGDATING ko sa Siargao, sandali akong dumiretso sa aking hotel at doon nag-isip ng plano kung paano ako muling mapapalapit kay Kim.
Matapos iyon ay muli akong bumalik sa lugar kung saan ko siya nakita. Napag-alaman ko na isang pamilya ng mangingisda ang umaruga sa kanya at kinupkop siya kahit hindi siya nito kilala, doon ako nagtungo upang makausap muli si Kim.
"Kung ganoon kakilala mo papa si Julie at Kim pala ang totoo niyang pangalan," aniya ng babaeng kausap ko. "Napakabait ng batang iyon. Kahit na hindi niya naaalala ang nakaraan niya, dahil sa mga gawi at pananalita niya, alam kong napalaki siya nang tama ng mga magulang niya, kaya sana naman ay maging maayos na si Julie," muli niyang wika.
"Nasaan po ba siya ngayon," tanong ko nang mapansin kong wala si Kim
