Kimberly Marquez
KAHIT MASAKIT at mabigat sa kalooban, kailangang umalis ni Seven patungo sa ibang bansa upang bisitahin ang kanyang mga magulang. Inasikaso niya agad ang mga dokumento na kakailanganin sa pag-alis niya ng bansa, mga bagay na itu-turn over sa kompanya at mga bagay na kailangan ibilin sa mga tao.
Sa ngayon, walang kasiguraduhan ang kanyang pagbalik. Kung kailan siya muling makauuwi dahil hindi rin sigurado ang kondisyon ng daddy ni Seven. Pareho kaming kumakapit sa kung ano man ang mangyayari sa mga darating na araw.
Hindi ko akalain at hind man lang sumagi sa aking isip na darating ang araw na ito, na pupunta si Seven sa isang malayong lugar at mahirap na para sa 'kin upang kami ay magkita. Ngunit sa pagkakakilala ko sa kanya, hindi niya hahayaang mawala ang kahit ano ma
