Kimberly Marquez
MARIIN akong napalunok nang marinig ko ang pagpapa-alalang iyon ni Jenny. Tumango ako at tuluyan naming pinag-usapan ang tungkol sa treatment ko.
Ang totoo, masayang-masaya ako dahil may katulad niya na concern sa gaya kong isa lamang na empleyado at labis ko iyong pinagpapasalamat kay Jenny.
Kahit na alam kong minsan ay nasasaktan ko siya sa tuwing kasama ko si Seven, hindi pa rin hadlang ang bagay na iyon upang kamuhian ako. Masasabi kong isa siyang tunay na kaibigan at isang taong may malasakit sa 'kin.
"Thank you, Jenny. Maraming-maraming salamat dahil sa pagtulong mo sa 'kin," wika ko saka hinawakan ang kanyang kamay.
Sumilay naman ang isang matamis na ngiti sa labi ni Jenny saka siya tumugon sa 'kin.
"Wala 'yon. Mas malaki ang naitulong mo sa 'kin. Kung tutuusi
