WALA nang honeymoon ang ginanap sa hotel dahil iniisip nila ang dalawang sanggol na naiwan sa bahay nila. Hindi agad binuksan ni Thumbler ang regalo ng amq niya dahil ang plano nito ay saka na pagdating nila sa bahay. Gabi na nang matapos ang selebrasyon at alas-nuwebe ay nakauwi sila sa bahay at pareho ang lahat na medyo pagod. Hanggang pumasok na sila sa kani-kanilang kuwarto at si Thumbler naman ay pumanhik sa itaas upang magbihis.
"Maligo lang ako sandali at pagkatapos magpahinga ka na," paalam niya sa private caregiver ng mama niya.
"Sige po, ma'am."
"Kumusta pala ang mga bata?" tanong niya rito.
"Okay naman sila, ma'am. Hindi naman sila umiiyak."
"Mabuti naman kung ganoon." At pumasok na siya ng banyo.
Sandali lang siya sa loob at maya-maya pa ay lumabas na siya at tapos na
