Nang makabalik sa kuwarto pagkatapos nilang mag-swimming, sakto naman na tumawag si Andrea kay Lhianne.
“Hello?”
“Bes, kumusta na kayo? Ang pamangkin ko kumusta?” bungad na tanong ni Andrea mula sa kabilang linya.
“Okay naman kami. Actually nasa Batangas kami ngayon, sa isang resort,” tugon naman niya.
“Really? Mabuti naman kung gano’n. Balak ko pa man din na bisitahin kayo ngayon kaya ako tumawag pero nasa bakasyon naman pala kayo. Siguro sa pag-uwi niyo na lang.”
“Hindi ito bakasyon. Na-invite lang si Daryl ng kanyang magiging furute business partner. Wait! Kilala mo yata siya, eh. Kasi ikaw ang interior designer ng resort na ito,” kuwento ni Lhianne.
“Talaga? Saang resort iyan at sino ang may-ari?”
“Dito sa Lipa Batangas. EL Wago resort at Roselle Moreno ang may-ari,” sagot nam
