Lea Adino
PARANG NAKAKAPANIBAGO. Wala na ang mga dating bully dito sa loob ng silid namin—sila Verna at ang mga alipores niyang sina Luna at Jenna. Maingay pa rin naman ang mga classmate namin habang wala pang professor, pero hindi katulad dati na pagpasok ko pa lang ay may nanggugulo na kaagad sa akin.
Ngayon, kahit may mga matang sumusunod pa rin sa bawat galaw ko, ibang-iba na ang tingin nila. Wala na ang pangungutya—napalitan na ito ng pagtataka, inggit, at intriga. Ramdam ko pa rin ang pressure, pero mas kaya ko na itong tiisin kaysa sa dati.
Naglakad ako patungo sa upuan ko at inilabas ang mga gamit ko. Pilit kong binalewala ang mga pabulong na usapan sa paligid, pero hindi ko napigilan ang sarili kong mapangiti nang maisip kong wala na ang dating mga nagpapahirap sa akin. Sa waka
