KAAGAD na rin niya akong nilampasan at lumabas ng bahay. Napahabol na lamang ako ng tingin sa kanya habang paulit-ulit na umiikot sa isipan ko ang mga sinabi niya.
Hindi ko malaman kung ano'ng iisipin ko. Mas lalo pa akong naguluhan ngayon. Kung hindi ko lang siya naaktuhang hubo't hubad kasama ang isang lalaki sa ibabaw ng kama, iisipin kong lalaki talaga siya at ako ang gusto niya. Pero bakit ba ganito?
Ang mga kilos niya, ang mga salita niya ... lahat ng 'yon parang sinasabi sa akin na ako ang mahal niya. Wait, mahal? ... Oh, my goodness. Hindi maaari ito.
Paano ko paniniwalaan 'yon kung may mga bagay akong nasaksihan, na pilit winawasak ang tiwala ko sa kanya? Para bang bawat hakbang niya papalapit sa akin ay lagi ring may aninong naglalapit sa amin sa kawalang-katiyakan.
Huminga a
